जनउत्थान साकोसको आयोजनामा जनउत्थान साकोसको २८ जना, पल्लबी साकोस २ जना, हाम्रो सुपर साकोसको २ जना र सयपत्री साकोसको २ जना गरि ३४ जना कर्मचारीहरुको लागि २ दिने सदस्यको मन जित्ने सीप विकास तालिम सम्पन्न भएको छ । तालिम जनउत्थान साकोसको केन्द्रिय कार्यालयमा भएको थियो । यसरी जनउत्थान साकोसको आफ्नो कर्मचारीहरुको साथमा अन्य साकोसको कर्मचारीहरुलाई पनि मिसाएर तालिम दिदा कर्मचारीहरु बीच एक आपसमा नया अनुभवहरु शेयरिङ गर्ने अवसर प्राप्त हुनेहुन्छ । तालिमको समापन कार्यक्रममा संस्थाको अध्यक्ष गिरी प्रसाद पुन, उपाध्यक्ष सरु राना र सचिव अन्जु जैसीको पनि उपस्थिति थियो । तालिमको सहजिकरण संस्थाको व्यवस्थापक रन बहादुर थापाले गर्नु भएको थियो ।